Eck segge: Mit Gunst!

Eck segge: Mit Gunst! – Ji alle, Olt- und Jungfischer, wi danket jück, dat ji user Inladung efolget sind.Eck hete jück alle mit juen Frunslüen willkomen un will hoffen, dat ji düsse Morgensprake, de eck na den Bruuk afhole, sinnig annehöret un acht gewet,as et ehrboren Fischern takummt.
Eck segge: Mit Gunst! – Et mak seck ´n jeder stille verholen, sienen Schmökekram ´n Oogenblick ut de Hand leggen un van sien ´n Stale upstoan, denn eck will eis de Loan (Lade) apen maken.“

Eck segge: Mit Gunst! – Jeder sette seck an Ort un Stehe un höre ta, denn de Rekenunge schall verläsen weren.

Eck segge: Mit Gunst! – Eck möchte hören un fragen,ob de eine oder de annere ünner jück is,de wat intawennen hat oder up meck oder miene Kollegen wat weit, dat wi nich düchtig wören, düsse Stehe ta verträen. De mag vörträen – de Öllere vör den Jüngeren, as seck dat gehört, un bringe siene Klagen fien un schämern vör. Hat hei recht, schall öhne ta Recht ehulpen weren. Hat hei awer unrecht, schall hei in Strafe enahmen weren.